Agjencia e Statistikave të Kosovës (ASK) ka publikuar “Statistikat e Mirëqenies Sociale” për vitin 2017, ku saktësohet edhe numri i veteranëve e invalidëve të luftës së fundit.

Sipas rezultateve të dala nga ky publikim del se nga skema e ndihmës sociale kanë përfituar 26 117 familje me gjithsej 106 628 anëtarë.

Përmes një komunikate për të lëshuar për media  bëhet e ditur së  skema për mbështetje materiale familjeve me fëmijë me aftësi të kufizuara të përhershme kanë përfituar 2 761 familje.

Ndërsa, nga skemat pensionale janë: 122 716 përfitues me pensione bazike të moshës; 43 300 përfitues nga me pensione kontributpaguese të moshës; 19 481 përfitues me pensione për personat me aftësi të kufizuara.

Vlen të theksohet se janë 12 472 përfitues me pensione për familjet e dëshmorëve dhe invalidët e luftës dhe 36 032 përfitues me pensione për veteranët e luftës.

Ndërkohë, përfitime kanë edhe kategori të tjera sociale. 3 232 përfitues me pensione të Trepçës; 1 001 përfitues me pensione të Trupave Mbrojtëse të Kosovës; 288 përfitues me pensione për Forcat e Sigurisë së Kosovës; dhe 2 001 përfitues me kompensime për personat e verbër.

“Ky publikim ofron të dhëna për numrin e përfituesve nga skema e ndihmës sociale, skema e pensioneve bazike të moshës, pensioneve kontribut paguese të moshës, pensioneve për personat me aftësi të kufizuara, skemën për mbështetje materiale për familjet me fëmijë me aftësi të kufizuara të përhershme, skemën e pensioneve për familjet e dëshmorëve, invalidëve dhe veteranëve të luftës, skemën e pensioneve të Trepçës, skemën e pensioneve për Trupat Mbrojtëse të Kosovës, të Forcës së Sigurisë së Kosovës, skemën e kompensimeve  për personat e verbër, etj”, thuhet më tej në komunikatë.

Ndryshe, viteve të fundit është aktualizuar problematike e fryrjes së listave për pensione për kategoritë e dala nga lufta./arbresh.info/